Bëhen gjithnjë e më publike axhenda dhe mesazhet publike që do të përcjellë vizita e Sekretarit Amerikan të Shtetit John Kerry në Tiranë.
Top Channel ka përforcuar lajmin e dhënë nga tesheshi.com në lidhje me opozitën iraniane, pjesëtarë të së cilës ndodhen në Irak.
Ndërkaq, TCH thekson se Sekretari Kerry do të takojë vetëm kryeministrin Edi Rama dhe liderin e opozitës, Lulzim Basha, duke mënjanuar kështu kreun e Kuvendit, Ilir Meta. Herën e fundit që një Sekretar i Shtetit të SHBA-së ka vizituar Shqipërinë ishte zonja Hillary Clinton në vitin 2012, e cila mbajti edhe një fjalim në Kuvend.
Por ajo që vjen si më risi në axhendën e Kreut të Departamentit të Shtetit është pikërisht Kosova.
Siç bën të ditur Top Channel, ky do të jetë mesazhi i tretë i Kerry-t në vizitën e shkurtër në Tiranë më 14 shkurt.
Kosova do të jetë një nga temat që ai do të diskutojë me kryeministrin Edi Rama, duke i kërkuar një rol më aktiv të Shqipërisë, veçanërisht pas zhvillimeve shqetësuese në Kosovë, në prag të protestës së paralajmëruar të opozitës, në përvjetorin e tetë të pavarësisë dhe të zgjedhjes së presidentit të ri të vendit.
Me këtë ka lidhje edhe darka e së premtes në Tiranë mes kryeministrit Rama dhe ministrit të Jashtëm kosovar, Hashim Thaçi. Edi Rama e përmendi këtë fakt në një postim në twitter po atë natë, gjatë darkës së mbajtur larg vëmendjes së mediave.
Zyrtarisht, shefi i diplomacisë amerikane vjen në Tiranë për të shënuar 25-vjetorin e rivendosjes së marrëdhënieve diplomatike mes dy vendeve.
Katër ditë përpara vizitës së sekretarit Kerry me një shpejtësi të rrufeshme, projektligji i Byrosë së Hetimit.
/tesheshi.com/
