Një muaj para zgjedhjeve të 21 qershorit publikohen sondazhet mbi perceptimin qytetar të votës. Nëse zgjedhjet do të ishin sot, atëherë fituese do të shpallej koalicioni i majtë me 58.5% të votave. Ky është rezultati i Sondazheve të zhvilluara nga Institutin Italian Piepoli në Bashkëpunimin me A1 Report.
Presidenti i Institutit Piepoli, Roberto Baldasari, vlerëson se marzhi i gabimit varion nga 1 deri në 2 %. Sondazhi u institutit Piepoli është ndalur specifikisht në kryeqytet, ku janë pyetur 800 qytetarë, të cilët kanë vlerësim pozitiv për dy kandidatë Veliaj e Kosova. Sondazhi nxjerr fitues Veliajn me 52 % të votave, ndërsa Kosova në vend të dytë me 36%.
Duke bërë edhe një krahasim me zgjedhjet e 2013-s sondazhet e Institutin Italian Piepoli nxjerrin si fitues të majtët me 58.5 %, ndërsa të djathtët do të merrnin 39.5 %. E ndërsa sipas sondazhit mbështetja për koalicionin e majtë ka rënë me 0.8 % krahasuar me vitin 2013, e djathta ka mbetur në po të njëjtat shifra.
Një tjetër gjë që bie në sy është edhe fakti i rritjes në % për PS dhe PD me 1.5% dhe 2,4 %, pavarësisht votave që parashikohen të marrin si koalicion.
