Mediat italiane kanë bërë publike pamjet nga sasi e drogës që u sekuestrua ditën e sotme nga policia italiane.
Gjatë këtij aksioni, u kapën 4 ton drogë në një Jaht, ndërsa u arrestuan tre shqiptarë. Lidhur me këtë ngjarje, policia shqiptare, deklaroi se nuk kishte të dhëna që Jahti me drogë, të ketë kaluar në ujërat shqiptare.
“Në orët e para të mëngjesit nga ana e GdF Italiane u bë i mundur ndalimi dhe sekuestrimi i një Yacht-i me flamur të SH.B.A.(Delaëare). Si rezultat i ndjekjes nga skuadrat e GdF dhe me suport ajror u bë e mundur bllokimi i mjetit lundrues”, bëri të ditur policia.
Vlera e drogës së sekuestruar arrin në rreth 20 milionë euro, çka shton dyshimet mbi origjinën e saj. Sikundër raportohet personat e arrestuar nga policia italiane, emrat e të cilëve nuk bëhen publike për shkak të hetimit, janë nga Tirana dhe Durrësi, ndërsa rezulton që dy ditë më parë ato kanë hyrë në territorin e Malit të Zi, nga ku dyshohet se është nisur edhe jahti luksoz. /tesheshi.com/
