Jetlir Zyberaj, këshilltar i ministrit të Jashtëm në detyrë Behgjet Pacolli, i njohur për posedimin e shumë dokumentave që provojnë krimet serbe, së fundi, në kuadër të përkujtimit të masakrës së Raçakut, ka publikua deri dhe fotot e autorëve të saj.
“Për rikujtim: Këta janë disa nga kryesit e masakrës së Reçakut. Kosova nuk do të harrojë asnjëherë”, ka shkruar Zyberaj në Facebook, ku mëparë kishte shkruar: “Ne, sot kujtojm masakrën e Reçakut, brutaliteti i së cilës, tmerroi botën në atë mëngjes të ftohtë janari të vitit 1999. Bota pa fytyrën e vërtetë kriminale të shtetit Serb, ndërsa populli shqiptar vazhdimësinë e brutalitetit dhe politikës shfarosëse.
Urdhërdhënësit e kësaj masakre sot udhëheqin shtetin në Serbi, ndërsa ekzekutorët me në krye komandantin Goran Radosavljevic-Guri, strehohen nën mburojën direkte të Presidentit Aleksandër Vuçiç. Komandanti i Reçakut, Radosavljevic është anëtar i bordit udhëheqës në partinë e Vuçiçit”. /tesheshi.com/
