Qeveria amerikane ka publikuar 2800 dokumente të klasifikuara që nuk ishin hapur ende nga dosja e vrasjes së presidentit amerikan, Xhon F. Kenedi. Vendimi është marrë nga presidenti Donald Trump cili tha se publiku meriton të jetë “tërësisht i informuar” për këtë ngjarje, që kanë qenë në qendër të shumë teorive konspirative.
Gjithsesi, pak dokumente janë mbajtur sekret me kërkesë të agjencive shtetërore. Një dokument tregon se FBI kishte paralajmëruar policinë për një kërcënim me vdekje ndaj vrasësit të presidentit, Lee Harvey Oswald.
“Ne menjëherë kemi njoftuar shefin e policisë dhe ai na siguroi se osvaldit do t’i jepej mbrojtje e mjaftueshme”, shkruan drejtori i FBI-së, J Edgar Hoover.
Osvaldi u qëllua për vdekje në katin përdhes të departamentit të policisë së Dallasit, dy ditë pas vrasjes së Kenedit.
Ndërsa dokumentet publikohen dhe analizohen, gjetje të tjera përfshijnë edhe një memo të FBI-së së vitit 1964 në të cilin azilantët kubanezë debatojnë sesa do të kushtonte vrasja e Fidel Kastros. “150 mijë dollarë për të vrarë Fidel Kastron plus 5 mijë dollarë shpenzime, është shumë”, thuhet në memo.
Një tjetër dokument tregon se zyrtarët sovjetikë i druheshin një “gjenerali të papërgjegjshëm” që mund të niste drejt Bashkimit Sovjetik një raketë pas vrasjes së Kenedit. /tesheshi.com/
