Dominimi i skuadrës së kryeqytetit të Francës, PSG-së, është i padiskutueshëm në futbollin francez në vitet e fundit. Por e paimagjinueshme është që Paris Saint-Germain ta fitojë titullin tetë javë para fundit të kampionatit.
Barazimi i mbrëmshëm, 2-2, në takimin Monaco – Reims e mundëson këtë gjë. Monaco gjendet në vend të dytë në kampionat, me 52 pikë, 22 më pak se PSG-ja e vendit të parë. Skuadra kryeqytetase do të luajë nesër në mesditë ndaj Troyes-it të vendit të fundit. Edhe pse PSG-ja do ta zhvillojë ndeshjen në transfertë, të gjitha parashikimet flasin për një fitore të lehtë të saj, çka do e çonte në 25 pikë diferencën me Monaco-n.
Nëse kjo ngjet, pra, nëse PSG-ja fiton nesër, matematikisht bëhet e pamundur që Monaco të mund ta arrijë, kështu që mbetet veç që kryeqytetasit të shpallen kampionë kur duhen edhe tetë javë për të përfunduar kampionati.
Ky do të ishte titulli i katërt i fituar i PSG-së në katër sezonet e fundit.
Një dominim të ngjashëm në futbollin francez ka patur dhe Lioni (Olympique Lyonnais), që në dhjetëvjeçarin e shkuar u shpall shtatë herë rresht kampion. /tesheshi.com/
