PSG është rikthyer tek fitorja spektakolare të shtunën, duke mundur 4-0 kundërshtarët e Montpellier.
Kryeqytetasit nuk vunë në asnjë moment në dyshim ndeshjen, duke shënuar që në fillim të saj me anë të sulmuesit Cavani. 30-vjecari nga Uruguaji me golin e së shtunës, hyri në historinë e PSG, pasi arriti shifrën e 157 golave me fanellën e parizienëve, duke kaluar Zllatan Ibrahimovich.
El Matador ka festuar si i çmendur golin, duke e hequr fanellën e duke i’a hedhur tifozëve, që nuk e kthyen më. Pasi pranoi me dëshirë kartonin e verdhë, Cavani “lejoi” më pas që penalltinë në favor të PSG, ta gjuante ai që e polemizoi aq shumë, pikërisht Neymar.
Braziliani e ktheu në gol goditjen e 11-metërshit, ndërsa rezerva Di Maria shënoi golin e tretë për kryeqytetasit. Për të mbyllur mbrëmjen mendoi sërish Neymar, që vulosi fitoren për PSG. Parizienët rifituan edhe avantazhin e pikëve, plot 11 larg nga Lion, që nuk ka luajtur ende. /tesheshi.com/
