Nga ata xhematlinj që i dhuruan hoxhë Mazllam Mazllamit një Mercedes dhuratë, me rastin e daljes në pension, lipset tashmë tjetër kontribut, jo patjetër dhuratë klasike: ajo e sigurimit të një avokati “të shtrenjtë” për ta hedhur në gjyq gazetarin Valon Syla.
Ky palo gazetar, nga ata që u mungon njerëzorja në plot kuptimin e fjalës, e që mu për këtë arsye nuk duhet t’u jepet hapësirë publike, ka sulmuar jo vetëm hoxhën, por kryesisht hoxhën e njohur të Prizrenit, si dhe bashkësinë e besimtarëve muslimanë, duke u mveshur fyerje dhe etiketime të padenja, deri dhe duke bërë aludime në forma akuze ndaj hoxhës Mazllam Mallzami për lidhje të tij me ata që morrën rrugën drejt Sirisë.
Mazllam Mazllami ishte ndër ata hoxhallarë që u ballafaquan me drejtësinë kosovare, këtu e pak vite më parë, me shkak çështjen e Sirisë, duke dalë tërësisht i pastër nga një mesele e ulët ndaj tij dhe të tjerëve si ai.
Por kjo nuk ka mjaftuar për Sylajn, që është vërsulur sërish, me një gjuhë që meriton të çohet në gjyq, për t’u bërë shembull.
Kështu që, pas një shembulli të shkëlqyer se si xhemati nderon dhe shpërblen, qoftë dhe me Mercedezë, edukatorët e tyre fetarë, duhet gjithashtu dhe t’jua ruajë nderin atyre duke u treguar vendin çdokuj që i cenon ata me pa të drejtë.
Thjesht, nëpërmjet drejtësisë: një avokat të mirë dhe një padi. Dhe kjo duhet bërë rrugë, duhet bërë ritual për çdo rast, derisa ato gojë të liga islamofobësh që Kosova i ka me shumicë, të mendohen mirë para se t’i japin gojës. /tesheshi.com/
