Presidenti serb Aleksandar Vuçiç befasoi këtë të premte në Bruksel ku nuk pranoi të takohet me homologun Thaçi, një takim që pritej me një interes shumë më të madh se zakonisht. Kjo pasi këtë verë që të dy kanë promovuar idenë në publik të një shkëmbimi të mundshëm të territorit, si zgjidhje “historike” për konfliktin mes serbëve dhe shqiptarëve.
Por në vend të progresit, në Bruksel ka patur edhe më shumë tensione kur Vuçiç nuk pranoi të takohej me Thaçin dhe u kthye në Beograd pas bisedimeve me Mogherinim.
Arsyeja për këtë është refuzimi i autoriteteve të Kosovës për të lejuar vizitën e Vuçiçit në sistemin e furnizimit me ujë Gazivodës në veri të Kosovës.
Vuçiç ka thënë prej disa javësh që ai po përgatit fjalimin e tij më të rëndësishëm në jetë gjatë një vizite të planifikuar në Kosovën e veriut më 8-9 shtator. Tani për tani nuk është e qartë nëse do të vijë vizita.
Mogherini lëshoi një deklaratë të premten duke thënë se ajo kishte “disa raunde bisedimesh” me dy presidentë në një format dypalësh.
Ajo tha se ende ka “vështirësi”, por beson se angazhimi i të dy presidentëve do të çojë në arritjen e një marrëveshjeje ligjërisht të detyrueshme për një normalizim të plotë të marrëdhënieve, në përputhje me të drejtën ndërkombëtare.
Mogherini njoftoi se një takim i ri do të realizoheu j përpara “javës ministrore në Asamblenë e Përgjithshme të OKB” në fund të këtij muaji.
Kreu i Zyrës për Kosovën në qeverinë serbe, Marko Djuriç, u tha gazetarëve arsyen pse Vuçiç nuk pranoi të takohej me Thaçin.
“Për shkak të të gjitha gënjeshtrave, korrupsionit, mashtrimit dhe një qasjeje të neveritshme ndaj serbëve dhe palës serbe”, tha Gjuriç.
Ai shtoi se Vuçiç do të vendosë për largimin e tij në Kosovë të premten mbrëma.
Radio Televizioni i Serbisë (RTS) transmetoi se presidenti Vuçiç i ka kërkuar ushtrisë, policisë dhe shërbimeve sekrete që të ndërpresin të gjithë komunikimin me Kosovën dhe zyrtarët ndërkombëtarë. /tesheshi.com/
