“Kjo është biseda jonë e tretë dhe unë i jam pafundësisht mirënjohës që erdhi në Beograd dhe që mundi të fliste sinqerisht”, tha Vuçiç në fund të vizitës zyrtare të kancelarit gjerman, duke shtuar:
“Ajo që njerëzit në Serbi dhe Gjermani mund ta kapërcejnë lehtësisht është se të dy vendet po bashkëpunojnë gjithnjë e më ngushtë në fushën e ekonomisë dhe kjo rritje është shumë e madhe.
Ne presim një shkëmbim tregtar prej shtatë miliardë eurosh këtë vit, që e bën Gjermaninë partnerin më të madh të Serbisë”, tha Vuçiç, duke shtuar se kompanitë gjermane në Serbi aktualisht punësojnë 77,000 njerëz.
Ai tha se kanë biseduar për tema të vështira, për rrugën evropiane të Serbisë.
“Kancelari solli energji të re në Ballkanin Perëndimor. Ne folëm gjithashtu se çfarë do të thotë kjo dhe thashë se Serbia do të duhet të bëjë përparim më të shpejtë në sundimin e ligjit, liritë e mediave dhe të gjitha gjërat e tjera që mund të maten së shpejti,” ka thënë Vuçiç.
Ai ka folur edhe për, siç tha, dialogun ndërmjet Beogradit dhe Prishtinës.
“Kancelari kërkoi në një mënyrë shumë të qartë, vendimtare dhe të mprehtë për t’iu bashkuar sanksioneve kundër Rusisë”, tha Vuçiç.
Ai deklaroi se do t’i kushtonte shumë rëndësi nisjes së Procesit të Berlinit, por edhe luftës në Ukrainë.
“Ne të gjithë jemi të preokupuar me luftën që Rusia filloi kundër Ukrainës. Kemi një numër të madh viktimash njerëzore, qytete dhe fshatra të shkatërruar… Kjo është një luftë e tmerrshme dhe ne të gjithë duhet të mbështesim Ukrainën,” tha Scholz.
Siç tha ai, në këtë drejtim ndër të tjera janë vendosur sanksione, duke shtuar se ato janë ndihmë për Ukrainën.
“Sanksionet janë shumë efektive, shumë më efektive se ato të vendosura pas aneksimit të Krimesë. Prandaj, të gjithë duhet të dinë se sanksionet nuk do të zhduken vetëm kur të përfundojë lufta. Kushti për ta ndaluar këtë është që Rusia të mos mund të diktojë, por të flasë me Ukrainën”, tha Scholz.
Ne presim, thotë ai, që të gjitha vendet që aspirojnë të anëtarësohen në BE do t’i bashkohen këtyre sanksioneve.
I pyetur për dialogun ndërmjet Beogradit dhe Prishtinës, Scholz tha se qëndrimi i Gjermanisë për Kosovën është i qartë dhe i njohur.
“Tani është e nevojshme që të gjithë të angazhohen për këtë proces dhe hap pas hapi të dyja palët duhet të japin kontributin e tyre për këtë. Të dyja palët janë përgjegjëse dhe duhet të ndërmarrin hapa të vegjël për ta realizuar atë,” tha Scholz.
Por Vuçiç tha se Serbia nuk i nënshtrohet presionit.
“Kemi dëgjuar sot se po kërkohet njohje reciproke. Nuk e kemi dëgjuar kurrë më parë. Askush nuk ka folur ndonjëherë për njohje reciproke, përveç amerikanëve që e kanë në agjendën e tyre për një kohë të gjatë”, tha Vuçiç.
Siç tha ai:
“Nëse mendoni se po na kërcënoni të ruajmë atë që është konfirmuar në Kombet e Bashkuara, bëjeni këtë, kjo është puna juaj dhe ne do të bëjmë siç e shohim të arsyeshme”.
“Aq sa ju e doni integritetin territorial të Ukrainës, serbët e duan integritetin territorial të vendit të tyre. Më falni, mos u zemëroni,” tha presidenti serb. /tesheshi.com/
