Ylli brazilian i futbollit Neymar është vënë sërish në qendër të kritikave për sjelljen e tij pas humbjes së Paris Saint-Germain nga Bayern (0:1) në ndeshjen e parë të 1/16-tës së Ligës së Kampionëve.
Mediat franceze raportuan se braziliani kaloi kohë në një turne pokeri pas humbjes ndaj Bayern-it dhe më pas shkoi në një restorant të ushqimit të shpejtë me miqtë e tij.
Neymar thuhet se ka paguar 10,000 euro për të marrë pjesë në një turne pokeri në një kazino pariziane, përpara se të shkonte në McDonalds më vonë atë mbrëmje.
Lajmi për “daljen e natës” të Neymar erdhi vetëm pak orë pasi Kylan Mbappe, pas disfatës ndaj Bayernit, theksoi se është e rëndësishme “të hamë dhe të flemë mirë për ta rikthyer skuadrën në formë të mirë”, me sa duket duke aluduar në sjelljen e shokët e tij të skuadrës.
Futbollisti brazilian u kritikua nga mediat dhe fansat për sjelljen dhe formën e tij të dobët.
“Ai thjesht nuk kujdeset për futbollin, ai jeton për ta shijuar atë, por kjo është e padëgjuar për rrogën që merr”, ka shkruar një tifoz i klubit parisien.
“Kjo është shumë joprofesionale, por ka ende njerëz që e mbrojnë atë. Neymar është një egoist”, shtoi një tjetër. /tesheshi.com/
