Që nga 1 janari 2025, kufiri Greqi-Bullgari ka ndryshuar në mënyrë drastike, pasi Bullgaria dhe Rumania u bashkuan zyrtarisht në zonën Shengen.
Kalimi tashmë bëhet pa kontrolle apo vonesa, gjë që ka relaksuar drejtuesit e mjeteve dhe pasagjerët, ndërsa rrjetet sociale janë mbushur me foto dhe komente për realitetin e ri.
Në stacionin më të madh kufitar të Promachonit, kanatet dhe godinat e doganës mbeten të shkreta, ndërsa trarët në të dyja anët qëndrojnë ngritur.
Pra është zhdukur stresi tipik nga radhët e gjata të makinave dhe kamionëve, që deri para pak kohësh ishte dukuri e përditshme.
Por jo vetëm kaq: grekët po i gëzohen këtij realiteti të ri kufitar dhe për faktin se po dynden drejt Bullgarisë fqinje për t’u furnizuar aty me karburant, pasi çmimi ëshë drastikisht më i lirë. Kujtojmë që Greqia ka pothuajse të njëjtat çmime si Shqipëria, ku diferenca përflitet se është vetëm në kualitet. Pra, nafta apo benzina e grekut është më e mirë.
Si nafta e si benzina, në Bullgari është 1.28 euro për litër, ndërsa në Greqi është rreth 1.80 euro për litër. /tesheshi.com/
