Deklaratat e forta të ambasadës amerikane në Tiranë kundër zërave për një radikalizim të situatës dhe një lloj diversioni duke prodhuar lista të zeza deputetësh, edhe pse nuk kishin të bënin me prapavijë kriminale, siç mësohet kanë pasur më shumë se një motiv për të përgënjështruar një të pavërtetë. Por sipas qarqeve që merren me monitorimin e situatës në Ballkan, po gatuhet një “sallatë ruse, ku ka pak nga të gjitha por edhe pse serviren të ziera, janë të ftohta”. E përdorur si metaforë, kjo “sallatë” mund të rrezikojë Maqedoninë, Malin e Zi, Bosnjën Serbinë dhe Kosovën.
Një diplomat i rëndësishëm rezident në Tiranë, përfaqësues i një vendi të Bashkimit Europian, i tha tesheshi,com se Tirana dhe Beogradi janë sot dy qendra të rëndësishme dhe të brishta të një aksioni nga ku do të varet e ardhmja e këtij rajoni. “Pikërisht në këto dy qendra po zhvillohet një aktivitet destabilizues për të shmangur rrugën e integrimit europian. Kryeministrat Rama dhe Vuçiç po gjejnë vazhdimisht terren të minuar, i cili ka një backraund më shumë se politik” thotë diplomati i rëndësishëm, duke ftuar të lexojmë zhvillimet e fundit. Fitorja e Syriza në Greqi, ka rritur gjasat e një influence esktra europiane, në Maqedoni Gruevski kishte “fluturuar prej kohësh”, Kosova është e brishtë edhe pse nën monitorim, Bosnja në duart e radikalëve serbë, gjysma e Malit të Zi problematike dhe një provë gjenerale e bënë në 2013, vetëm Serbia e Shqipëria janë “letër lakmuesi”, nga ku mund të dalë uji apo vaji mbi një zjarr që shpërthen rishtas.
Angazhimi i Tony Blair edhe për qeverinë serbe shikohet si një plan i koordinuar për të mbajtur “në kontroll” dy vartat e rëndësishme dhe brenda një konturi. Në këtë aspect investimi europian është i madh dhe në verën e këtij viti pritet të flitet për fonde konkrete. Bashkëshirtja e Tony Blair, Chherie, në një takim që zhvuilloi dje në Tiranë, bëri një deklaratë kuptimplote. “Diversiteti është çelësi i zhvillimit, ndaj ne duhet të jemi mendjehapur për të pranuar njëri-tjetrin ashtu si jemi”.
Nuk është rastësi që qarqet ruse janë interesuar shumë për ngjarjet politike shqiptare duke vënë në qendër të vëmendjes rastin “Doshi”, ndërkohë që kurrë ndonjë rresht në mediat e vendit të madh nuk kanë folur për ngjarjet në Shqipëri, vetëm në rastin e Kosovës. Çpo ndodh?
Ministri i Jashtëm Ditmir Bushati, në takimin e shefave të diplomacisë së BE-së që u mbajt në Riga të Letonisë, përcolli këndvështrimin e politikës së jashtme shqiptare ndaj situatës në Ukraine, si dhe ndaj kërcënimeve që vijnë prej rajoneve në jug të Evropës, si Siria, Iraku, Libia, etj.
Ai u shpreh se “të gjitha këto kërcënime nënvizojnë rëndësinë e Ballkanit Perëndimor për garantimin e sigurisë evropiane, ndaj është në interes të BE-së një politikë zgjerimi i suksesshëm në rajonin tonë”.
Ndërsa ministrja Kodheli ka qenë më e drejpërdrejtë: “Në ditët e sotme, bankat, biznenset, infrastruktura turistike, kompanitë e gazit dhe karburantit në Ballkanin Perëndimor, shihen si objektiv për para nga Rusia. Prania ekonomike e Rusisë po rritet në mënyrë të vazhdueshme në këto kohë vështirësie për Perëndimin. Në lidhje më politikën e jashtme ka forca politike në shumë vende të rajonit që e shohin mënyrën e të mënduarit të Rusisë si alternativa më e mirë për të ardhmen e vendeve të tyre. Në disa vende, parti politike të tilla duken qesharake, por diku gjetkë, në zemër të Ballkanit, ato përfaqësojnë një pjesë të rëndësishme të popullatës. Për më tepër, numri i këtyre njerëzve nga Ballkani që marrin pjesë në luftën hibride ruse është i dukshëm dhe shqetësues”, ka deklaruar ajo në një takim të një muaji më parë në Tiranë./tesheshi.com/
