Nga Ylli Pata
E mbani mend Dritan Abazoviçin?-alias Abazi që kemi shkruar para disa kohësh kur vota e tij në këshillin komunal të Ulqinit rrezikoi që qyteti shqiptar të drejtohet nga malazezët?!
Sot, Abazoviç, një shqiptar i Ulqinit – pavarësisht se mban prapashtesën “viç” – është një drejtus i opozitës së bashkuar të Malit të Zi, i cili si pjesë kryesore të programit ka mos-hyrjen e këtij vendi në NATO.
Dritan Abazoviç është zgjedhur deputet i koalicionit opozitar “Çelësi” që drejtohet nga ish-ministri i Jashtëm i Jugosllavisë, Miodrag Lekiç.
Dritani është një djalë i ri trendi, veprimtar i shoqërisë civile që promovon kozmopolitizmin dhe jo-nacionalizmin, i cili pëlqehet tek rinia e që ka shumë përkrahje të gjenerata e re dhe të shkolluarit. Ka marrë shumë vota në Ulqin dhe zonat përreth, sidomos ku shqiptarët po asimilohen përditë dhe një pjesë e madhe kanë prapashtesën “viç”.
Por vota e tij ose do të shkojë kot, pasi mund të bojkotojnë parlamentin, siç kanë deklaruar; ose do të bashkohet me serbët e Malit të Zi.
Dhe kjo mund të jetë politikë por jo përfaqësim.
Një vit më parë pas një shkrimi të tesheshi.com, Dritan Abazoviç na kritikoi se e kishim paragjykuar dhe se kërkonte që politika shqiptare të reformohet. Po sot çdo të thotë?! /tesheshi.com/
