Presidenti rus Vladimir Putin kritikoi një gazetare amerikane, duke e cilësuar fillimisht atë si “të bukur” dhe “të pashme”, por që nuk po e dëgjonte atë që ai i thoshte për krizën e gazit në Evropë. Pas kësaj, Putin do të akuzohej për një qëndrim seksist.
Putini iu drejtua gazetares së CNBC, Hadley Gamble, me pretendimin se “nuk dëgjonte” atë që i tha asaj ndërsa ajo e pyeti në lidhje me dërgesat e gazit rus në Evropë.
E gjitha ndodhi gjatë një interviste publike në panelin e Javës së Energjisë Ruse në Moskë, ku Putini “goditi” Gamble kur në një moment iu drejtua auditorit:
“Grua e bukur, e bukur, po i them një gjë: ajo po më thotë diçka krejt të kundërt, sikur të mos dëgjonte atë që thashë. Epo, do të të them përsëri.”
Në atë moment, Gamble u hodh dhe i tha presidentit rus se ajo “e dëgjoi” atë dhe komentoi se rusëve iu desh “një kohë e gjatë” për t’u marrë me furnizimin me gaz dhe krizën e gazit.
“A kam thënë vërtet diçka kaq të vështirë për t’u kuptuar?”, pyeti Putin.
Presidenti rus më vonë u akuzua se kishte një qëndrim seksist ndaj gazetares amerikane. /tesheshi.com/
https://youtu.be/ZTlrFAcNd-g
