Pse Polonia ka blerë softuer spiunimi nga Izraeli?

Politikani më me ndikim polak Jaroslaw Kaczynski konfirmoi se vendi bleu spyware të avancuar nga kompania izraelite e softuerit të sigurisë NSO, por mohoi se do të përdorej për të monitoruar kundërshtarët politikë, raporton AP.

Kaczynski, kreu i Partisë Konservatore në Poloni për Ligjin dhe Drejtësinë, tha se shërbimet sekrete në shumë vende po përdorin softuerin Pegasus për të luftuar krimin dhe korrupsionin.

Ai shtoi se përdorimi i një softueri të tillë është një përgjigje ndaj rritjes së të dhënave të koduara, të cilat kanë tejkaluar teknologjitë e mëparshme të mbikëqyrjes.

Duke hakuar telefonin, softveri izraelit u lejon autoriteteve të monitorojnë komunikimet, si dhe bisedat në kohë reale, të cilat nuk janë të koduara.

“Do të ishte keq nëse shërbimet polake nuk do të kishin një mjet të tillë”, tha Kaczynski në një intervistë që do të publikohet të hënën në revistën e së dielës Sjeci, pjesë të së cilës janë publikuar sot nga portali polityce.pl.

Intervista erdhi pas një raportimi të AP se një grup i mbikqyrjes kibernetike në Universitetin e Torontos, Citizen Lab, zbuloi se tre kritikë të qeverisë polake ishin hakuar me ndihmën e Pegasus.

Zbulimet për hakerimin tronditën Poloninë, pas së cilës u bënë krahasime me skandalin Watergate të viteve 1970 në SHBA dhe krijimin e një komisioni hetimor në parlament për këtë arsye.

Megjithatë, Kaczynski tha se nuk shihte asnjë arsye për të formuar një komision të tillë dhe ai mohoi se monitorimi, i cili u zhvillua në vitin 2019, kishte ndonjë rol në rezultatin e zgjedhjeve të atij viti.

“Këtu nuk ka asgjë, asnjë fakt, përveç histerisë së opozitës. Rasti Pegasus nuk ekziston, nuk ka pasur mbikëqyrje. Asnjë informacion Pegasus, shërbimi apo informacion i marrë fshehurazi nuk luajti asnjë rol në fushatën zgjedhore të 2019-ës. Ata humbën sepse humbën. Nuk duhet të kërkojnë justifikime të tilla sot”, tha Kaczynski. /tesheshi.com/