Ortodoksia fanoliste shqiptare, ajo me prirje kombëtariste, nuk është dakort me kishën e re ortodokse që do ndërtohet te Liqeni Artificial, duke i kontestuar asaj stilin arkitektonik grek.
Është At Nikolla Xhufka, prifti i Kishës Orthodhokse së ashtuquajtur Kombëtare Shqiptare, me qendër në Elbasan, ai që kundërshton veprën më të fundit të Janullatosit.
Sipas tij, njeriu që drejton Kishën Ortodokse në Shqipëri, ka imponuar e vijon të imponojë modele greke në objektet e kultit ortodoks, të cilat dallojnë nga ato shqiptare.
Sipas tij, kishat greke ndërtohen me merrmer dhe stolisen së brendëshmi më ar e agjend, si shandandët apo karriget.
Ndërsa kishat ordodokse shqiptare ndërtohen me rasa guri dhe stolisen së brendëshmi me dru, qershie ose dru bushi, ku dominojnë trarët.
Sa i përket pamjes, At Nikolla Xhufka thotë se isha greke janë pompoze, me kube, këmbanare të larta, me harqe, ndërsa kishat shqiptare janë me çati dhe me një pamje më të butë.
Edhe më herët, ky klerik ortodoks shqiptar, përçues i frymës autoqefaliste të Fan Nolit në Ortodoksinë shqiptare, ka shprehur kritika lidhur me kishën e re të Janullatosit, sa i përket stilit.
“Para pak kohësh mora vesh që Kryepeshkopi grek Janullatus, në Liqenin Artificial në Tirane do të ndërtojë përsëri një Kishë në stilin grek.
Si klerik gëzohem, por si klerik shqiptar që jam ndihem i revoltuar dhe i prekur. Megjithatë, duke e njohur misonin që Janullatus ka në mëmëdheun tonë nuk habitem aspak. Ky 95-vjeçar do me doemos që Shqipërinë ta mbush me kisha të stilit grek dhe në mënyrë kategorike të shmang dhe zhduk ndërtimin e kishave në stilin shqiptar”, shkruan At Nikolla Xhufka, duke vijuar:
“O njerëz të mirë, kaq pak e doni mëmëdheun, kaq pak e doni Fan Nolin?!
Të dashur shqiptarë, këtu nuk flasim vetëm për fenë ortodokse por dhe për trashëgiminë tonë kulturore, atdhetare, patriotike …..
Nëse Fan Noli do ishte gjallë, të gjithëve ju që mbeshtesni Janullatusin do ju kishte shpallur tradhëtarë!
Kisha Orthodhokse Kombëtare Shqiptare e Elbasanit dhe une si prift shqiptar, jam dhe jemi kunder ndërtimit të kësaj kishe greke në Tiranë”. /tesheshi.com/
