Orari i punës prej 8 orësh është qasje e vjetruar dhe joefektive e punës. Nëse dëshiron të jesh më produktiv, duhet të heqësh dorë nga kjo relike dhe të gjesh një qasje të re.
Gjatë një studimi, Draugiem Group ka përdorur një aplikacion në kompjuter për të ndjekur shprehitë e punëtorëve. Në mënyrë specifike, ky aplikacion ka matur sa kohë harxhojnë njerëzit në detyra të ndryshme dhe kanë krahasuar këtë me nivelin e produktivitetit.
Në procesin e matjes së aktivitetit të njerëzve, ata hasën në një konstatim shumë interesant: kohëzgjatja e orarit të punës nuk është me rëndësi, sa është e rëndësishme mënyra se si e strukturojnë njerëzit ditën e tyre.
Në veçanti, njerëzit fetarë, të cilët kanë marrë më shumë pauza, janë treguar më produktivë sesa ata që kanë punuar më gjatë dhe me më pak pauza.
Është konstatuar se puna ideale është ajo me sistemin 52 minuta punë, 17 minuta pushim.
Njerëzit të cilët iu janë përmbajtur këtij orari kanë treguar përqendrim të jashtëzakonshëm në punën e tyre.
Për afër një orë punë, ata kanë qenë 100% të dedikuar ndaj punës që është dashur të kryejnë.
Ata poashtu kanë shfrytëzuar nivelin më të lartë të energjisë për të arritur nivele jashtëzakonisht të larta të përqendrimit për një kohë të shkurtër, pa e zhvendosur vëmendjen me kontrollimin e Facebook-ut apo emailit.
Momentin që kanë ndjerë lodhje dhe molisje, kanë marrë një pauzë të shkurtë, duke u larguar në tërësi nga puna e tyre.
Kjo u ka ndihmuar që të kthehen përsëri të freskët edhe për një orë pune efektive.
Njerëzit të cilët e kanë gjetur këtë formulë magjike, e kanë kuptuar nevojën fondamentale të mendjes së njeriut: truri punon në mënyrë të natyrshme me rrjedhën e energjisë së lartë për 1 orë, e cila pastaj pasohet me rrjedhë të energjisë së ulët për 15-20 minuta.
Në vend që të punosh për një orë apo më tepër dhe pastaj të luftosh me lodhjen dhe molisjen, në momentin kur vëren se produktiviteti po bie, merre këtë si sinjal se është koha për pushim.
Pauza është më mirë të merret para se të lodhesh. Ne shpesh e lejojmë lodhjen të na mposhtë, duke qenë se vazhdojmë të punojmë duke humbur kështu edhe energjinë edhe përqendrimin.
Dhe pauzat që i marrim është me rëndësi që të mos shfrytëzohen në kompjuter, telefon apo televizion. Përkundrazi, largimi prej tyre ndikon në rritjen e produktivitetit për punë.
Shfrytëzimi i kohës së pauzës për shëtitje, lexim madje edhe për bisedë janë treguar format më efektive të akumulimit të energjisë, pikërisht për shkak se të gjitha këto e mbajnë vëmendjen e njeriut larg nga puna. /tesheshi.com/
