Sa baktere mund të ketë tek ajo feta e limonit që pluskon në gotën tende të ujit?
Një fetë e këtillë mund t’i japë shije dhe një gote me ujë të ndenjur por ky përbërës mund të jetë duke ju furnizuar me organizma mjaft të dëmshëm. Një studim i kryer nga “Journal of Environmental Health” në disa restorante, zbuloi se 70 për qind e limonit të shërbyer në gota uji apo pije të tjera ishin të ndotur me baktere të dëmshëm për shëndetin. Dhe ky rezultat kishte të bënte me limonët e paprekur, të sapo shërbyer.
“Pavarësisht faktit që limonët kanë veti antimikrobike, rezultati i studimit tonë tregon që një gamë e gjerë mikroorganizmash mund të mbijetojnë në tulin dhe lëkurën e limonit”, shkroi në raport një prej autorëve të studimit.
Po sa mund të na dëmtojë një fetë limoni në gotën tonë të ujit? Specialistët thonë se është një rrezik i vogël, por i pranishëm.
Mikrobet janë të kudogjendur, nuk mund t’u shpëtoni, por bëni më të mirën të parandaloni sëmundjet që shkaktohen prej tyre./tesheshi.com/
