Çmimi i gazit u rrit ndjeshëm të martën në tregjet evropiane, i nxitur nga frika e furnizimit të pamjaftueshëm për shkak të grevës së punëtorëve të naftës në Norvegji dhe mbylljes së paralajmëruar të gazsjellësit rus North Stream 1 për mirëmbajtje.
Çmimi i gazit në kontratat e ardhshme u rrit në bursën holandeze në rreth 175 euro për megavat orë, duke arritur nivelin më të lartë që nga marsi. Krahasuar me të hënën, ishte rreth 8 për qind më i lartë pas mesditës.
Tregtarët kanë frikë pasi furnizuesi rus i gazit Gazprom shkurtoi furnizimet përmes gazsjellësit North Stream 1 me rreth 60 për qind në javët e fundit për shkak të asaj që ata pretendojnë se ishte një vonesë në pajisjet e dërguara në Siemens të Gjermanisë për shërbim.
Siemens i dërgoi pompat në një fabrikë në Kanada, e cila i bllokoi ato që kur vendosi sanksione ndaj Gazpromit për shkak të pushtimit rus të Ukrainës.
Rusia njoftoi gjithashtu mbylljen e gazsjellësit më 11 korrik për mirëmbajtjen që zgjat zakonisht dhjetë ditë, por në Evropë frikësohen se gazi nuk do të arrijë edhe pas përfundimit të punimeve.
Një problem shtesë me furnizimin u ngrit edhe në Norvegji, ku punëtorët e naftës hynë në grevë, duke kërkuar paga më të larta për shkak të inflacionit të lartë. Tani për tani duket se dërgesat në vendet e tjera evropiane nuk janë ulur, por nëse prodhimi pezullohet për një kohë të gjatë, mund të zvogëlohen edhe eksportet.
Greva filloi natën nga e hëna në të martë dhe sindikatate përfaqësuesit e kompanive parashikojnë një rënie të prodhimit të gazit këtë javë me 13 përqind.
Shoqata e Kompanive të Naftës vlerëson se prodhimi i gazit do të ulet me 292,000 fuçi ekuivalente nafte deri të mërkurën, ose 13 për qind, njoftoi të dielën NOG.
Qeveria norvegjeze ka thënë se po monitoron nga afër mosmarrëveshjen midis punëtorëve dhe kompanive të naftës. Në rrethana të jashtëzakonshme, Oslo mund të ndërhyjë dhe të ndalojë grevën, vëren Reuters. /tesheshi.com/
