Me afrimin e datës 14 janar dhe afatit që pronarët e racave “të rrezikshme” të qenve të regjistrojnë kafshët e tyre shtëpiake, ka gjithnjë e më shumë raste të qenve që largohen nga Turqia, raportojnë mediat lokale.
Sipas Daily Sabah, qentë e përkëdhelur që nuk janë të regjistruar dhe të sterilizuar do t’u konfiskohen pronarëve të tyre.
Dashamirësit dhe mbrojtësit e kafshëve thonë se gjithnjë e më shumë njerëz po i lënë qentë në vende të izoluara për të shmangur proceset burokratike.
Nëpër rrugë, në pyll…
Më tej thuhet se ka gjithnjë e më shumë raportime se raca të “rrezikshme” qensh, nga pitbullët deri te tose japoneze apo doge argentino, janë parë anëve rrugëve apo në pyjet e Stambollit.
Nilgul Sayar, kreu i shoqatës lokale të adhuruesve të kafshëve Gokturk, tha se ajo kishte qenë dëshmitare e braktisjes së qenve më parë, por se numri i rasteve të tilla ishte rritur ndjeshëm që kur një rregullore e re e racave të qenve u miratua në fillim të dhjetorit.
“Unë dhe anëtarët e tjerë të shoqatës kemi gjetur kafshë endacake, por këtë muaj kjo ndodh pothuajse çdo ditë”, tha ajo për agjencinë DHA ndërsa ndihmonte një doge argjentina që u gjet i braktisur në pyll.
Daily Sabah thekson se shkelja e rregulloreve të reja dënohet me gjobë, e cila është një kosto shtesë për disa pronarë.
“Në katër ditët e fundit, ne kemi gjetur një duzinë qensh në zonë,” tha Ibrahim Karatas, një banor i fshatit Catalca, i vendosur në një zonë të largët të Stambollit në anën evropiane.
“Kohët e fundit pashë një burrë që erdhi këtu me makinë dhe dëboi një qen. Qeni vrapoi pas makinës, por ai u largua shumë shpejt.” /tesheshi.com/
