Omar el-Natour*
Imagjinojeni këtë skenë: Zgjohesh në mëngjes duke dëgjuar britmat e bashkëshortes tënde drejt teje, sepse po bie shi përjashta. Ajo e urren shiun dhe dita e saj është e shkatërruar për fajin tënd.Zbret poshtë për të dëgjuar ankesat e fëmijëve tu drejt teje, sepse ata kanë thyer tosterin.Në këtë mënyrë, ato nuk mund të shijojnë pitet e tyre të preferuara dhe faji për këtë, është i gjithi i yti.Rrugës për në punë, ndalon për të mbushur makinën me karburant dhe dëgjon mallkime të drejtuara tek ti, sepse çmimi i karburanteve është rritur.Arrin në punë duke parë të gjithë kolegët mbledhur përreth tavolinës tënde duke tu drejtuar për tu kërkuar ndjesë për printerin e prishur.Rrugës nga shtëpia për në punë, çdokush në autostradë bërtet drejt teje, për shkak se ata janë të mërzitur nga trafiku i gjatë.
Skenar qesharak, apo jo? A mund ta mendosh veten fajtor për ato gjëra për të cilat ti nuk ke absolutisht kontroll mbi to?A mund tëimagjinosh të jesh vazhdimisht shenjestra për të kërkuar falje për këto gjëra? A mund ta imagjinosh të jesh i urryer pavarsisht nëse kërkon ndjesë apo jo? Kështu ndihet një musliman në Amerikë sot.
Unë jam një amerikan krenar, i rritur në Teksas.Student kolegji, humanist, fizikant i së ardhmes.Jam dikushi i cili shpreson për të revolucianizuar qasjen ndaj mjekësisë dhe shërbimit shëndetsor në Shtetet e Bashkuara dhe në shtetet e shkatërruara nga lufta nëpër botë. Unë jam gjithashtu M-U-S-L-I-M-A-N, një prej 1.6 miliard të tillëve të cilët janë të akuzuar kurdoherë që një akt terrorizmi ndodh. Thua se nuk jemi gjë tjetër veçse kjo fjalë 8 shkronjëshe e keqpërdorur nga ato të cilët përdorin gabimisht fenë tonë për të justifikuar krimet e tyre të tmerrshme.
Si një musliman amerikan i cili përpiqet vazhdimisht për të bërë më të mirën për komunitetin tim dhe këtë komb, ndihem i lodhur në kërkimin e faljes dhe dënimin e terrorizmit me të cilin nuk kam të bëj aspak.
5 arsyje se pse muslimanët nuk duhet të kërkojnë falje për terrorizmin:
1) Është qesharake tëna kërkosh ne të bëjmë apologji.
Si musliman praktikant, di që feja ime predikon paqen.Jam aq i sigurtë në këtë fakt, saqë do shpërblej çdokënd me 10,000 dollarë nëse gjen një varg Kur’anor, i cili legjitimiton vrasjen e të pafajshmëve ose veprimin e akteve të terrorit.Kjo është ofertë e hapur e cila nuk ka afat skadence.
Une di gjithashtu se muslimanët, si një grup fetar, nuk janë terroristë.E kam faktuar këtë.Është e provuar me fakte se ka më shumë mundësi të goditeni nga një rrufe, të përballeni me vdekjen në shtrat ose të vriteni nga një fëmijë, sesa të vriteni nga një musliman.
Ngrihet pyetja: “Pse duhet të kërkoj falje për të dhunë me të cilën nuk kam aspak lidhje?” Dhunë të cilën besimi im e kundërshton fuqimisht.
Pyete veten tënde: A duhet qëprodhuesit të kërkojnë falje kur shoferët vrasin njerëz duke përdorur makinat e tyre? A duhet t’i kërkosh falje policit nëse vëllai yt merr një gjobë shpejtësie për shkak se keni mbiemrin e njëjtë? A duhet që secili prodhues armësh në Amerikë të kërkojë falje çdoherë që dikush është vrarë në një shkëmbim zjarri?A duhet të kërkojë falje sinoptikani për ditët me re?A duhet të kërkojnë falje farmacistët për alergjitë tua?A duhet të kërkoj unë falje për shkrimet e një autori tjetër?
Pavarsisht nëse e gjen atë varg 10,000 dollarësh ose pavarsisht nëse dëgjon një musliman i cili mbështet terrorizmin, kupto se kërkesa për të kërkuar falje për terrorizmin, individualisht ose kolektivisht, është aq qesharake sa pyetjet e mësipërme.
2) Duhet të jetë e qartë dhe e dukshme tashmë, se muslimanët e dënojnë terrorizmin.
Duhet të jetë shumë e qartë, se muslimanët e dënojnë terrorizmin. Mjafton të bësh një kërkim të thjeshtë në Google rreth sulmeve terroriste ku do gjesh një gamë të gjërë muslimanësh të cilët i dënojnë ato publikisht. Një shumësi rastesh denoncimi duke dënuar sulmet ndaj zyrës sëÇarli Hebdo, poashtu plot shembuj ku muslimanët anembanë botës dënojnë sulmet e Parisit.
Muslimanët e dënojnë terrorizmin, gjithmonë e kemi bërë.Kyështë fakt. Sikurse unë nuk duhet t’ju përsëris çdo mëngjes që qielli është i kaltër, muslimanët nuk duhet t’ju përsërisin se ne dënojmë terrorizmin pas çdo akti terrorist të ndodhur.
Sinqerisht, nëse akoma nuk beson se muslimanët e dënojnë terrorizmin, atëherë asnjë kërkim ndjese apo denoncim emocional i përsëritur nga cilido musliman apo cilado organizatë islame, nuk do të do të kurojë qëndrimin tënd urryes, anti-tolerant.
3) Muslimanët janë në krye të luftës ndaj terrorizmit.
Gjëja më qesharake sesa kërkim-falja prej njerëzve të cilët nuk kanë asnjë lidhje me këto akte, është nxitja e njerëzve për të kërkuar falje rreth diçkaje për të cilën ato po përpiqen me mish e shpirt për ta luftuar.
Muslimanët duan ta mundin terrorizmin aq shumësa dëshiron çdo amerikan, në mos më shumë. Për këtë shkak, kemi muslimane të tilla si Nilufar Rahmani dhe Kubra Khademi, të cilat janë në vijë të parë në luftën ndaj terroristëve.Për këtë shkak, miliona të rinj musliman po mbajnë qëndrim ndaj ISIS.Për këtë shkak, një shumësi grupesh dhe dijetarësh muslimanë dalin me deklarata të vazhdueshme duke dënuar ISIS, një pjesë e tyre të kërcënuara nga ISIS për këto veprime.
Mbi 120 dijetarë muslimanë anembanë botës u bashkuan sëbashku duke shkruar një letër të hapur ndaj ISIS, duke e denoncuar atë si anti-Islame duke përdorur terma islame. Shumë muslimanë janë vrarë nga ISIS për kundërshtimin publik ndaj këtij grupi terrorist.
Për të njëjtën arsye që zjarrfikësit nuk kërkojnë falje për zjarret apo doktorët për sëmundjet e zemrës, muslimanëve nuk duhet t’u kërkohet të kërkojnë falje rreth diçkaje për të cilën ato po e luftojnë më kaq forcë.
4) Muslimanët janë viktimat më të mëdha të terrorizmit.
Sipas të dhënave nga Qendra e Anti-Terrorit në Akademinë e Ushtrisë së Shteteve të Bashkuara, Al-Kaeda vret 7 herë më shumë muslimanë sesa jomuslimanë. Sipas OKB, muslimanët janë viktimat më të mëdha të ISIS. Sipas Departamentit të Shtetit, muslimanët janë viktimat më të mëdha të terrorizmit në përgjithësi. Pavarsisht pamjes, do gjesh se lidhja më e fortë ndërmjet muslimanëve dhe terrorizmit është ajo në të cilën muslimanët janë viktima të saj.
Është ironi e trishtë sesi muslimanët janë viktimat më të mëdha të terrorizmit, ndërkohëurrehen mësë shumti për të. Sikurse do të ishte e gabuar akuzimi i afro-amerikanëve për skllavëri, vuajtja e fëmijëve nga uria botërorë, sulmet ndaj fëmijëve nëpër shkolla, poaq i gabuar është akuzimi i muslimanëve rreth terrorizmit ku ne jemi gjithmonë viktima të tij.
Dëshiron prej meje të telefonoj liderin e ISIS dhe t’i them atij NDAL akteve të terrorit? Më jep informacionet e kontaktit të tij; do të isha i lumtur. çdo musliman do ishte. Por, biseda duhet të fillojë me ne, viktimat më të mëdha të ISIS, duke ju thënë atyre NDAL keqpërdorimit të religjionit tonë për të justifikuar vrasjen e muslimanëve të cilët e ndjekin atë.
5) Nëse duhet të kërkojmë falje për terrorizmin, të njëjtën gjë duhet ta bëjëçdokush tjetër.
Pika e fundit është vërtet e rëndësishme.Pse janë muslimanët grupi i vetëm të cilëve ju kërkohet të kërkojnë falje dhe të dënojnë aktet e kriminelëve të cilat lidhen me grupin e tyre?
Për të krijuar një perspektivë të qartë, pyet veten: Pse nuk kërkohet prej gjithë racës së bardhë të kërkohet falje për skllavërinë të cilën të bardhët nënshkruan më pak se 2 shekuj më parë? Skllavëri në të cilën 1/3 e skllevërve ishin muslimanë.Pse nuk u kërkohet të gjithë budistëve të kërkojnë falje për murgjërit radikal budistë në Myanmmar (Burma) të cilët po i sulmojnë dhunshëm muslimanët?Pse nuk u kërkohet të gjithë policëve të kërkojnë falje për policët racistë të cilët po i flakin trupat e zezakëve të paarmatosur si gjethet e pemëve në vjeshtë?
Duhet kuptuar sikurse ti nuk je i lidhur me krimet monstruoze të lartpërmendura, poashtu dhe une nuk jam i lidhur me terrorizmin, për të cilin shumë po përpiqen të më lidhin me të për arsyen e vetme: të qenurit musliman.
Duhet të kuptosh se duke kërkuar prej meje të dënoj terrorizmin, po vë në pyetje dhe po cënon natyrën time njerëzore.
*Student musliman, palestinezo-amerikan, humanist
Burimi: HuffPost
Perktheu: Anderson Marku- /tesheshi.com/
