Ka nisur të debatohet shumë në lidhje me një shkrim të Baton Haxhiut ku i bëhet thirrje Partisë Socialiste që të largohet nga LSI-ja, pasi sipas tij kjo po e dëmton rëndë si Ramën ashtu edhe socialistët.
Dhe siç mund të kuptohet, debati nuk ka patur reagime nga ana e socialistëve por nga qarqe pranë LSI-së.
Nikollë Lesi, botuesi i “Koha Jonë”, i cili kohët e fundit njihet si përkrahës i afërt i Ilir Metës, i ka dërguar një letër të hapur Haxhiut, duke i thënë që LSI-ja është si oksigjeni për PS-në.
Pra në kohën që Petrit Vasili i urdhëroi ministrat që të mos flasin për “Metën-kryeministër”, debati u hap në opinionin publik nga Baton Haxhiu dhe Nikollë Lesi.
Pikërisht nga Haxhiu që njihet si një nga këshilltarët e hershëm të Metës dhe një partizan i aleancës PS-LSI.
Kujtesa që Haxhiu i bëri Metës dhe replika e Lesit, ngjante si deklaratat e ministrave të LSI-së por që bëhet nga njerëz të perceptuar si të afërt me Ramën.
Ndërkaq, në këtë mjedis, kur Kryeministri Edi Rama dhe disa deputetë të PS-së nuk ndodheshin këtë të enjte në sallën e parlamentit , LSI bën një votim në rresh kundër shkarkimit të kreut të AMF-së, Enkelejda Shehi, ku u përfshin dhe Ben Blushi me Mimoza Hafizin, natyrisht
Dhe, mos vallë ky votim demonstrativ ishte një sinjal ndaj Ramës për shifrën e famshme 71 që është folur shumë, për të treguar pra se LSI ka aftësinë për të votuar en-block?!
PDIU taktikisht nuk mori pjesë në votim, pikërisht për të mos kamulfuar situatën dhe për të mos marrë pjesë në një demonstrim që siç duket ishte forcë politike numrash.
Dy deputetët e LSI-së, Gjovalin Kadeli dhe Spartak Braho kanë bërë thirrje për të mos e dramatizuar çështjen, kurse Ministri i Financave Arben Ahmetaj ka thënë një frazë që u duk se kishte një mesazh politik.
“Ishte votim i fshehtë dhe asnjëherë nuk mund ta marrësh vesh se kush ka votuar pro apo kundër. Nuk e di të kujt janë votat kundër. Por në fund të gjithë janë të kënaqur, sidomos PS-ja që kishte kërkuar shkarkimin e zonjës Shehi. Mesa duket, me opozitën në Kuvend, opozita pozitive që po bën LSI-ja, është më e pranueshme për qeverinë se sa çadra e Lulzim Bashës”.
Megjithatë, votimi i sotëm i LSI-së nuk ka qenë thjesht procedurial pasi gjithsesi rezultati për të shpëtuar kreun e AMF-së nuk arrihej. Por duhej të jepej një sinjal mbi impaktësinë e votive të LSI-së. Po për çfarë?! Beteja në Parlament ka natyrisht shumë deri në zgjedhjet e 18 qershorit. Presidenti është njëra nga këto… /tesheshi.com/
