Kryebashkiaku i Kuçovës Kreshnik Hajdari do vijojë detyrën, edhe pasi u zbulua se ka qenë dënuar nga gjykata e Janinës për një shkelje kufiri si emigrant dikur, ama fakti se këtë nuk e ka shkruar në formularin vetëdeklarues, mund t’i kushtojë shtrenjtë. Kjo pasi atij i është komunikuar nga SPAK marrja si i pandehur pikërisht për këtë gjë, një ditë pasi KQZ vendosi që ai mund ta vijonte detyrën.
Siç raporton TCH, tre juristët e koalicionit “Bashkë Fitojnë”, thanë se mjaftonte mos deklarimi në formularin e dekriminalizimit të dëbimit të zotit Hajdari në vitin 1999 nga Greqia për t’i ndërprerë mandatin. Madje ata ngulmuan se ai kishte konsumuar edhe një vepër penale.
Por kryekomisioneri Ilirjan Celibashi shpjegoi se KQZ për të tilla raste tashmë e ka një praktikë të konsoliduar, duke vlerësuar se nuk ka një shkak ligjor që kryetarit bashkisë Kuçovë t’i ndërpritet mandati.
Ama cështja nuk shtë mbyllur për Hajdarin, pasi tashmë i ka llogaritë me SPAK, nën akuzën e fallsifikimit të formularit të vetëdeklarimit. Nëse dënohet, kjo mund t’i shkaktojë deri në pesë vite burg. /tesheshi.com/
