Ish-atleti amerikan Bob Beamon vendosi të nxjerrë në ankand medaljen e tij të artë nga Lojërat Olimpike të vitit 1968 në Ciudad de Mexico, ku vendosi rekordin botëror në kërcimin së gjati me 8.90 m.
Shtëpia e ankandeve Christie’s pret të marrë midis 370,000 dhe 550,000 euro në ankandin të enjten në New York për medaljen e fituar për kërcimin që ishte një rekord botëror deri në vitin 1991, kur u thye nga një tjetër amerikan, Mike Powell.
“Unë jam 77 vjeç. Dhe ka ardhur koha t’ia dorëzoj medaljen dikujt që vlerëson arritjen sportive të arritur më 18 tetor 1968 në stadiumin Olimpik të Universitetit në Mexico City,” tha Bob Beamon në një intervistë telefonike për AFP kur u pyet se pse po hiqte dorë nga çmimi prestigjioz.
“Ky ankand ishte një mënyrë e shkëlqyer për të ekspozuar medaljen, por edhe për të ruajtur kujtimin e saj”, shton ai.
Sot, Beamon është i rikthyer një pasioni të rinisë, muzikës, duke i rënë baterisë, të cilën e braktisi si adoleshent “sepse sporti ishte i pari”.
I lindur në Queens, New York, Robert Beamon ishte më pak se një vjeç kur nëna e tij vdiq nga tuberkulozi.
“Është fat që regjistrova një album me një grup xhaz, funk, hip-hop…po argëtohem shumë,” tha ai. /tesheshi.com/
