Federata Botërore e Futbollit (FIFA) dhe Konfederata e Futbollit të Amerikës së Jugut (CONMEBOL) nuk do të tolerojnë asnjë ndërhyrje shtetërore në menaxhimin e federatave dhe nuk do të hezitojnë të pezullojnë Brazilin nëse Ednaldo Rodrigues nuk rikthehet në krye të Konfederatës Braziliane të Futbollit (CBF)), tha një burim i CONMEBOL për AFP franceze.
“Rregulloret janë të qarta. Në asnjë mënyrë nuk lejohet ndërhyrja e forcave të jashtme në zonën e juridiksionit të shoqatës”, ka thënë një burim që ka dashur të mbetet anonim.
Presidenti i CBF, Ednaldo Rodrigues u lirua nga detyra më 7 dhjetor me vendim gjykate. Gjykata rrëzoi një marrëveshje të mëparshme midis CBF dhe zyrës së prokurorit të Rios, e datës mars 2022, e cila lejoi që Rodrigues të zgjidhej si kreu i federatës deri në vitin 2026.
Gjykata ia besoi përkohësisht menaxhimin e CBF-së Jose Perdiz-it, i cili ka mandatin të organizojë zgjedhje të reja.
Federata Botërore e Futbollit (FIFA) dhe CONMEBOL kanë vendosur të dërgojnë një mision në Rio de Zhaneiro, i cili do të fillojë punën më 8 janar, në përpjekje për të gjetur një zgjidhje për krizën.
Kampionatet botërore dhe kontinentale
Siç raportohet nga media braziliane UOL, më 24 dhjetor, CBF mori një letër të nënshkruar nga anëtari i FIFA-s, Kenny Jean-Marie dhe përfaqësuesi i CONMEBOL, Monserrat Jimenez Granda, në të cilën këto dy organizata “ngulmojnë fuqishëm” se para 8 janarit “nuk do të ketë të marrë ndonjë vendim në lidhje me CBF-në, veçanërisht zgjedhjet”.
Përndryshe, FIFA nuk do të ketë “zgjidhje tjetër veçse të kërkojë nga organi i saj kompetent që të trajtojë çështjen”, e cila mund të “çojë në një pezullim”. Në letër thuhet se një pezullim i tillë i CBF do të sillte përjashtimin e ekipeve kombëtare dhe klubeve braziliane nga të gjitha garat ndërkombëtare.
Kombëtarja braziliane e meshkujve po luan aktualisht ndeshjet kualifikuese për Botërorin 2026 dhe në qershor dhe korrik 2024, “Carioce” pret paraqitjen në kampionatin e Amerikës së Jugut. /tesheshi.com/
