Udhëheqësi “i trashëguar” i Koresë së Veriut, Kim Jong-un, bëri një paraqitje të pazakontë zyrtare duke u kapur për dore me vajzën e tij 9-vjeçare Kim Joo-e dhe gruan e tij Ri Sol-yu të martën, më 7 shkurt. Kreu 38-vjeçar i regjimit të izoluar vizitoi selinë e Ushtrisë me familjen e tij dhe u ul në një darkë për të shënuar 75-vjetorin e themelimit të Ushtrisë së Koresë së Veriut.
Televizioni shtetëror i Koresë së Veriut publikoi foto nga eventi i 8 shkurtit.
Fotot tregojnë Kim Jong Un me vajzën dhe gruan e tij duke hyrë në sallën e darkës mes duartrokitjeve dhe brohoritjeve nga oficerët e pranishëm dhe zyrtarë të lartë të qeverisë dhe partisë.
Vendi i 9-vjeçares në qendër të tryezës mes prindërve të saj u konsiderua simbolik nga mediat ndërkombëtare, ndërsa Leif-Eric Isley, një profesor në Universitetin Iwa në Seul, tha: “Në një vend ku familja Kim dhe Ushtria kanë fuqi, prania e një vajze në një event kaq të rëndësishëm dërgon mesazhe të qarta. Duke përfshirë në mënyrë të dukshme gruan dhe vajzën e tij, Kim dëshiron që vëzhguesit brenda dhe jashtë vendit të shohin dinastinë e familjes së tij dhe ushtrinë koreano-veriore të bashkuar përgjithmonë”.
Të bën përshtypje qëndrimi i butë i Kim Jong-un ndaj vajzës së tij të vogël, e cila në fotot gjatë eventit ngrihet në këmbë dhe përqafon të atin. Është hera e katërt që Kim Ju-e del publikisht përkrah udhëheqësit të Koresë së Veriut, me analistët e regjimit që spekulojnë se 9-vjeçarja ka të ngjarë të pasojë të atin në pushtet.
Dalja e parë publike e vajzës adoleshente të Kim ishte të premten, më 17 nëntor, kur baba e bijë inspektuan një vend lëshimi të raketave balistike. Daljet publike të Kim Jong Un me vajzën e tij 9-vjeçare ngrenë pikëpyetje pasi spekulohet se lideri i Koresë së Veriut ka gjithsej tre fëmijë, i pari djalë, e dyta është Kim Joo-e dhe një tjetër vajzë pas saj.
Në një vend ku në pushtet vijnë kryesisht meshkujt, është për t’u habitur pse Kim ka zgjedhur të shfaqet në publik me vajzën e tij dhe jo me djalin e tij, i cili gjithashtu është më i madh.
Duke qenë se daljet publike të Kim Jong Un, madje edhe me gruan e tij, janë të rralla dhe ai ndonjëherë “zhduket” nga jeta publike për periudha të gjata kohore, daljet e fundit me të bijën në krah në ngjarje të rëndësishme ushtarake, i japin shtysë analistët për të spekuluar se Kim Joo-e do t’ia marrë “unazën” e pushtetit babait të saj.
Michael Madden, një analist i Koresë së Veriut në Stimson Center, një institut amerikan i mendimit, tha për paraqitjet zyrtare të vajzës së Kim: “Kjo mund të nënkuptojë se ajo po rregullohet dhe stërvitet për t’u bashkuar me pushtetin”. /tesheshi.com/
