Ripranimi i Sirisë në Ligën Arabe pas një pezullimi 12-vjeçar ka ngritur shqetësime në Izrael, raportoi të shtunën një gazetë izraelite.
Sipas gazetës Yedioth Ahronoth, ministri izraelit i Mbrojtjes Yoav Gallant së fundmi bëri një vlerësim me komandantët e ushtrisë për kthimin e Sirisë në trupin pan-arab.
“Izraeli e konsideron këtë një zhvillim të keq në afat të shkurtër dhe afatgjatë, pasi kthimi do t’i japë fund izolimit të Bashar al-Assad në botën arabe dhe do të bëjë çdo sulm izraelit në Siri më pak të ligjshëm,” tha ai.
Gazeta, megjithatë, tha se disa në Izrael besojnë se është e parakohshme të vlerësohen implikimet e kthimit të Sirisë në organizatën me bazë në Kajro.
Të tjerë shohin se rikthimi i anëtarësimit të Sirisë në Ligën Arabe do të dëmtonte veprimin ushtarak izraelit në Siri.
Izraeli ka nisur vazhdimisht sulme në Siri duke synuar forcat e regjimit të Asadit dhe grupet e lidhura me Iranin.
Të premten, më 19 maj, Assad mori pjesë në samitin vjetor arab në Arabinë Saudite për herë të parë që nga viti 2011. /teshesh.com/
