Ai mund të ketë një pasuri të pabesueshme, planifikon të dërgojë njerëzimin në Mars dhe themeloi disa nga kompanitë më të suksesshme në planet, por asnjë nga arritjet e shumta të Elon Musk duket se nuk i bën shumë përshtypje babait të tij.
Në një intervistë të çuditshme që dha së fundmi për emisionin Australian The Kyle and Jackie O Shoë, 76-vjeçari Errol Musk u pyet nëse ndihet krenar për atë që djali i tij ka arritur në jetën e tij.
Përgjigja që ai dha sigurisht që do të befasonte shumë njerëz. “Jo. E dini, ne jemi një familje që kemi bërë shumë gjëra për shumë vite. Ne nuk filluam të bënim gjëra të papritura”, vuri në dukje Errol Musk, duke shtuar se edhe vetë Eloni nuk është i kënaqur me përparimin e karrierës së tij.
Edhe pse ai pranoi se djali i tij manjat ka arritje më të rëndësishme se fëmijët e tjerë, ai theksoi se Eloni dhe vëllezërit e motrat e tij kishin parë shumë duke u rritur dhe kishin marrë pjesë në shumë aktivitete interesante si familje. “Ata kishin parë shumë gjëra dhe ne bëmë shumë gjëra së bashku”, tha Errol për fëmijët e tij, duke iu referuar udhëtimeve të familjes në Kinë, pyjet e Amazonës dhe zona të tjera. “Është e vërtetë, megjithatë, që Elon e ka ngritur shiritin,” vuri në dukje babai i themeluesit të Tesla.
Siç shpjegoi ai, djali i tij 50-vjeçar ndjen se ka mbetur prapa në karrierën e tij, për sa i përket nivelit që donte që kompanitë e tij të kishin arritur tashmë. “Ai është i frustruar me shkallën e progresit dhe kjo është e kuptueshme. E di që tingëllon çmenduri, por ne priremi të mendojmë kështu si familje. Ai tani është 50 vjeç dhe ende e mendoj si një djalë të vogël. Por ai është 50 vjeç, është një burrë i madh”.
Ai mund të ketë folur mjaft ftohtë për djalin e tij ambicioz që ka bërë të gjithë planetin të flasë për të, por toni i Errol Musk ishte krejtësisht i ndryshëm kur ai iu referua një tjetër prej fëmijëve të tij, Kimbal Musk, “krenarisë” së tij siç e përshkroi. Kimball është një pronar restoranti dhe kuzhinier me një vlerë neto prej 700 milionë dollarësh. /tesheshi.com/
