Është e qartë se më shumë se kryeministër, Rama është një lojtar margetingu i qeverisjes.
Ndërsa i gjithë opinioni shqiptar ndihet i shokuar nga një ngjarje e rëndë në Pgradec, ku një figurë krimi aty i ka marrë jetën një të pafajshmi, e ku ka dyshime se Policia është implikuar në fshehjen e arsyeve të vdekjes së 41-vjeçarit Egli Proga, si pasojë e një dhune ndaj tij nga i riu Denis Meçe, i përfolur si gjobëvënës biznesesh, i pari i qeverisë vijon të tregojë sa e bukur është Shqipëria, a thua se e tillë po shfaqet vetëm nën qeverisjen e tij.
“Qafa e Valbonës është shteg epik për krejt Alpet Shqiptare i kërkuar dhe përshkuar nga shumë udhëtarë shqiptarë e të huaj, tashmë në çdo stinë të vitit…”, shkruan ai, ndërkohë që duhej të shkruante apo të shprehej mbi ngjarjen e Pogradecit. Pse? Sepse ka të bëjë direkt me rendin. Sepse është fjala për një krim që buron nga gjobëvënia e përhapur e krimit ndaj biznesit, e gjitha nën qeverisjen e tij.
Por kur reagon Rama në të tilla raste? Reagon kur sheh qyetarët të reagojnë, si në rastin e armëve kimike(2013), te protestat studentore(2018), te vrasja e Klodian Rashës nga Policia(2020).
Ditë më parë, ai thoshte, për të disatën herë, se shqiptarët i kanë bërë nderin e madh duke i besuar qeverisjen e se ai është i përkushtuar që t’i qeverisë, por rasti i fundit e jo i vetmi, ai në Pogradec, tregon se sa larg është ndaj fjalëve që thotë. /tesheshi.com/
