Presidenti i zgjedhur Ilir Meta qëndroi për më shumë se një orë në zyrën e ish-kryeministrit Sali Berisha sot në kohën kur Edi Rama dhe Lulzim Basha po detajonin marrëveshjen për zgjedhjet.
Në dalje Meta, i cili ka partinë e tij LSI në aleancë me Ramën në qeverisje, përshëndeti arritjen e marrëveshjes, duke mos harruar të përmendë se Sali Berisha është dobësia e tij.
“Jam shumë i lumtur që ka pasur një marrëveshje. Kjo ka qenë ëndërra ime, ky ka qenë kontributi im. Le të shpresojmë që të bëhet publike dhe të ndihmojë në procesin e zgjedhjeve për garantimin e standardeve”- tha ai.
Ndërkohë gazetarët e pyetën nëse ndjehet keq që nuk pati rolin e ndërmjetësit kësaj radhe. “Unë nuk kam qenë ndërmjetësues, por imponues bashkë me LSI bashkë me PDIU dhe forcat e tjera”.
Për takimin me Berishën Meta u shpreh; “Zoti Berisha është dobësia ime dhe në çdo kohë jam i gatshëm ta ndjek këtë kënaqësi”./tesheshi.com
