Ndërsa ndodhej në një drekë me ambasadorët e Bashkimit Europian në UNESCO, e ftuar nga drejtoresha e përgjithshme e Organizatës Botërore të Mbrojtjes së Trashëgimisë Kulturore, Bujar Nishani firmosi lirimin e ambasadores Besiana Kadare.
Lajmi mori dhenë si për rëndësinë e postit diplomatik, por edhe për qenien e zonjës Kadare pinjolle e një
emri të njohur. Ajo është e bija e Ismail Kadaresë, shkrimtarit të famshëm shqiptar.
Dekreti i presidentit të Republikës është shumë i shkurtër:“Zonja Besiana Kadare lirohet nga detyra e ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO).”
Ndërkaq, nga Ministria e Jashtme, që është dikasteri përgjegjës, nuk jepet asnjë sqarim.
Besiana Kadare ka punuar në shërbimin diplomatik që prej vitit 2006, derisa u emërua ambasadore e Shqipërisë në UNESCO.
Nishani ka deklaruar po ashtu lirimin nga detyra të Kujtim Xhanit, ambasador në Republikën Popullore Demokratike të Koresë, në Republikën e Koresë dhe në Republikën Socialiste të Vietnamit. Dekretet janë publikuar sot në faqen zyrtare të Presidencës. /tesheshi.com/
