Duhet të mendoheni 2 herë para se të hani një avokado, sepse çmimet në dyqanet ushqimore po rriten me shpejtësi. Ato kanë thyer një rekord të ri këtë vit, sepse çmimet e avokados janë rritur në të gjithë globin për shkak të korrjeve të ulëta në Meksikë, Peru dhe Kaliforni. Në fakt, Bloomberg raporton se çmimi i një kuti prej 10 kilogramë avokado nga tregtarët meksikanë me shumicë është dyfishuar që nga viti i kaluar me rreth 27.89 dollarë.
Vetëm në tre muaj çmimi mesatar për avokado ka kapërcyer nga 89 cent në janar në 1.25 dollarë në mes të marsit, sipas ‘Hass Avocado Bord’. Kjo për shkak se prodhimi i Kalifornisë është zvogëluar rreth 44 për qind nga thatësira. Ju duhet të ndaloni të hani avokado. Tani për tani. Por ndikimi i mjedisit është akoma më i madh. Sipas ‘Associated Press’, kërkesa në rritje për avokado – e ndjekur nga çmime më të larta – po bën që fermerët meksikanë të zgjerojnë terrenet e kultivimit dhe të shkatërrojnë shumicën e pyjeve të pishave të vendit.
E gjitha kjo për të ngopur oreksin amerikan për frutat e gjelbra. “Edhe atje ku nuk janë bërë prerje të dukshme të pyjeve, avokadot janë nën degët e pishave dhe herët a vonë ata do të presin pishat plotësisht,” – tha Mario Tapia Vargas, një studiues në Institutin Kombëtar të Meksikës për Pylltari, Bujqësisë dhe Peshkimit. Kjo është kryesisht për shkak të kërkesës së lartë. AP njofton se etiketat e çmimeve për avokadot u rritën./tesheshi.com/
