Suchir Balaji, një punonjës 26-vjeçar i organizatës amerikane të kërkimit të inteligjencës artificiale OpenAI, i cili vazhdimisht ka kritikuar publikisht lëvizjet dhe praktikat e saj, u gjet i vdekur në një apartament në San Francisco, shkruan BBC.
Trupi i pajetë i Balaji-t u gjet më 26 nëntor, pasi policisë iu tha se duhet ta kontrollonin atë.
Pas autopsisë, mjekja ligjore përcaktoi se shkaku i vdekjes ishte vetëvrasja dhe se nuk kishte prova që të tregonin se kishte diçka tjetër. Por për arsyet e vetëvrasjes nuk u dha asnjë shpjegim.
Balaji ka qenë kritik ndaj OpenAI gjatë muajve të fundit dhe për këtë arsye, organizata ka kohë që ka mbrojtur metodat e saj të mbledhjes së të dhënave në gjykatë.
Në një intervistë shpërthyese me The New York Times në tetor, Balaji tha se dyshonte se OpenAI kishte shkelur ligjin amerikan për të drejtat e autorit gjatë zhvillimit të aplikacionit popullor ChatGPT.
Balaji tha se ka punuar për OpenAI për katër vjet dhe se beson se ChatGPT dhe teknologjitë e ngjashme po e dëmtojnë internetin.
Por OpenAI pretendon se përdor vetëm të dhëna të disponueshme publikisht.
Gjithsesi, OpenAI i ka shprehur ngushëllimet familjes së Balajit. /tesheshi.com/
