Edi Rama ka qenë protagonist kryesor i 25-vjetorit të PS-së që është kremtuar në një atmosferë të nderë dhe të tensionuar ku kanë munguar historik, Fatos Nano dhe ish-kryeministri Ilir Meta, sot kryetar i Kuvendit dhe kreu i LSI-së.
Rama, tha në fjalën përshëndetëse se “e ardhmja është e gjitha në dorën tonë”.
“Reformat nuk do të mbeten në mes dhe vendi nuk do të kthehet prapa. E dimë që është e vështirë t’i kënaqësh të gjithë gjatë gjithë kohës, por jemi të fokusuar plotësisht te problemet e njerëzve”, deklaroi Rama.
Kreu i PS-së theksoi se “përmes reformave, po hedhim bazën e shtetit për të ndërtuar themele të qëndrueshme në çdo sektor”.
“Kemi ende shumë për të bërë. Kemi bërë gabime, por falë nesh vendi po ndryshon për mirë”, shtoi Rama. Partia Demokratike kishte çuar si përfaqësues nënkryetarin e Kuvendit Edmond Spahon dhe ish-ministrin e Jashtëm Tritan Shehun. Jo pak, duke pasur parasysh se nga LSI-ja nuk ishte prezent asnjë deputet…/tesheshi.com/
