Pas marrëveshjes së madhe mes dy liderëve politike, Rama dhe Basha, bashkëpunimi mes dy partive historikisht kundërshtarë është shtrirë dhe në nivel lokal.
Në Bashkinë e Gjirokastrës këshilltarët demokratë dhe ato socialistë kanë bashkuar votat për të shkarkuar këshilltarin bashkiak të LSI-së, Bashkim Tola, i cili zyrtarisht ishte zgjedhur në listën e PS-së.
Kërkesa për shkarkim kishte ardhur nga PS-ja pasi Tola ishte drejtues në Ndërmarrjen e Ujësjellës Kanalizimeve ndërkohë që mbante dhe karrigen në parlamentin lokal të bashkisë.
Duke e cilësuar këtë konflikt interesi përfaqësuesit e dyja palëve vendosën shkarkimin e tij.
Mbledhja u shoqërua me debate të forta.
Për Roland Bejkon, kryetarin e grupit të djathtë të këshillit bashkiak ky veprim ka prapavijë politike.
“Sot ka rënë morali i ëshillit bashkiak, i koalicionit të tyre. Kjo do të thotë se koalicioni nuk ka funksionuar në baza ligjore, por për pushtet”- tha ai.
Kërkesa e grupit te PS është kundërshtuar nga LSI, këshilltarët e së cilës braktisën mbledhjen./tesheshi.com/
