PS arriti fitoren e parë në Lokalet e pjesshme të së dielës, duke marrë bindshëm Bashkinë e Vorës.
Njëherësh, Basha shënoi humbjen e radhës dhe të parën pa Berishën, duke u mundur madje, me numër votah nga ky i fundit.
Fitues doli Blerim Sheraj i PS-së, i cili përballë kishte Ymer Markun nga PD-ja dhe Lulzim Vranën nga “Shtëpia e lirisë”. Sheraj ka marrë 7530 vota, ndërsa Lulzim Vrana ka marrë 2598 vota dhe Ymer Marku 687.
Drejtuesi politik socialist për Qarkun e Tiranës, Erion Veliaj, tha në një konferencë për shtyp se “kemi fituar Bashkinë e Vorës me gati 70%”.
“Ka disa mesazhe që marrim nga zgjedhjet në Vorë me një rezultat të jashtëzakonshëm. Së pari nuk ka më bastione në Shqipëri. Ky ishte testi i parë i një përballje mes të majtës dhe të djathtës dhe mesazhi i parë që na vjen nga Vora është që njerëzit nuk duan sherre, duan punë e përkushtim. Do ta lexoj me shumë rezpekt këtë mesazh. Për ata 30% unë ju jap një garanci që do u shërbejmë njëlloj, pa asnjë dallim,” deklaroi më tej Veliaj. /tesheshi.com/
