Partia Socialiste zhvillon mitingun përmbyllës në Dibër ku mori pjesë kryeministri Edi Rama.
Kreu i qeverisë ka sulmuar ashpër PD-në për rrahjen e adminitsratorit të bashkisë.
Rama tha se Sherefedin Shehu duhet të kishte reaguar pasi së pari Meda ishte një qytetar i këtij komuniteti.
“Do të dëgjoni dhe sot plot çudira pasdite. Unë e di shumë mirë si e pëson kush tallet me dibranët. Nga ana tjetër ne nuk e kemi bërë këtë fushatë një fushë beteje dhe të jemi dyndur me karvanë fuoristradash e çeta nga më të larmishmit për të shkuar e bërë presion në këto zona, me demek në emër të mbrojtjes së votës dhe për të shkuar atje ku u arrit dje, ku u rrah barbarisht një administrator.
U rrah barbarisht, me demek sebepin se këta e kapën në flagrancë dhe me paturpësinë më të madhe, një parti që do të drejtojë Dibrën u thotë dibranëve që ne bëjmë ç’të duam: Edhë të rrahim, madje dhe të akuzojmë, që ti jo vetëm që do të rrihesh por dhe të shkosh në burg. Turp!
Ka të drejtë Muharremi. Nuk ke çfarë pret nga ata që vijnë nga Tirana me atë mission, por të paktën Shero një fjalë duhet ta thoshte, sepse kur goditet një qytetar i Dibrës nuk ka rëndësi partia që ka por anëtari i këtij komuniteti.
Unë nuk kam dëgjuar ndonjëherë në Dibër që fqinjët edhe kur janë me bindje të ndryshme të rrahin njëri tjetrin.
Nuk kam dëgjuar ndonjëherë që kur rrihet dikush nga një parti politike, ajo parti politike ti bjerë gjoksit dhe kandidati i saj që pretendon të vijë këtu të shërojë plagët të bëjë sehir plagët e atij që ra pre e asaj barbarie.
Meqë ra fjala ishte Muharremi që la fushatën dhe shkoi ti qepte plagën. Të dielën jeni të lirë të bëni zgjedhjen tuaj për ne nuk është fushatë politike, nuk po vendoset qeveria por drejtimi që do të marrë Dibra”, tha Edi Rama
/tesheshi.com/
