Në fund të javës PS mbledh Asamblenë e saj, sipas një informacioni më të fundit dalë nga selia rozë. Nuk është specifikuar se cila do jetë çështja bazë që do trajtohet, por paraflitet për një analizë të qeverisjes për 4-mujorin e parë, që nga shtatori e deri në fundin e vitit, si dhe për çështje brendapartiake.
Kujtojmë se mbledhja e fundit e Asamblesë u zhvillua pikërisht në shtator, aty ku u shpalos dhe vizioni qeverisës i kabinetit “Rama 2”, e ku fjalëmbatësi kryesor para kryetarit Rama, si për ironi, ishte pikërisht ai që është shndërruar sot në ankthin e mazhorancës, delen e zezë të saj, Saimir Tahiri.
Ky fundit madje mbajti një fjalim me nota të theksuara idelizmi, si për t’u dhënë mesazheve politike që përçoi një dimension edhe historik, ku theksoi disa herë se njerëzit nuk duhen zhgënjyer më nga kjo qeverisje, e se para tyre duhet mbajtur përgjegjësi e madhe. Dhe ky rol, do thoshte Tahiri, i përket pikërisht PS-së.
Por pak javë më vonë, do ishte pikërisht ish-ministri i Rendit në “Rama 1”, i emëruar koordinator i bashkëqeverisjes, i cili do nxinte imazhin e familjes së tij politike, me të dhëna për implikime – ndonëse ende të pavartetuara ligjërisht – me trafikantë droge. /tesheshi.com/
Ndiqeni Tahirin në kumtet e tij ideale:
