Socialistët i përgjigjen Ilir Metës me një ironi politike. Pas kërkesës së kreut të Kuvendit për të marrë pjesë në Komisionin Parlamentar të Reformës Zgjedhore, kreu i Grupit Parlamentar të PS-së, Gramoz Ruçi, i është përgjigjur po me letër Ilir Metës.
Ruçi nënvizon se PS është menjëherë e gatshme për fillimin e një procesi gjithpërfshirës për implementimin e e rekomandimeve të OSBE/ODIHR-it. Por, socialistet thonë se janë të hapur edhe për konsultime paraprake midis partive parlamentare, duke iu referuar projekt-vendimit bashkangjitur letrës së dërguar Metës.
Projekt-vendimi ka 12 pika, ku në pikën e 3 sanksionohet detyra parësore e këtij Komisioni për hartimin e amendamenteve për kuadrin ligjor bazuar në rekomandimet e OSBE/ODIHR-it për zgjedhjet e 2013-s dhe ato vendore të 2015-s.
Gramoz Ruçi propozon që “Prezenca e OSBE-s në Shqipëri, ODIHR dhe Komisioni Venecias të ftohen të ndjekin dhe të japin asistencën e tyre në punën e këtij komisioni”.
Për çështje të veçanta, për të cilat palët nuk kanë gjetur konsensus, konsensusi do të kërkohet në asistencën e dhe ekspertizën e OSBE/ODIHR-it dhe Komisionit të Venecias.
/tesheshi.com/
