PS hapi fushatën elektorale për zgjedhjet e 30 qershorit, ku Rama, kreu i mazhorancës, përcolli paralajmërimin e radhës, siç tha, për ata që mund të tentojnë cenimin e mbarëvajtjes së tyre.
“Nuk duam të shohim asnjë pas hekurave për hesap të një plaku të marrë, prandaj do u dalim borxhit. Do u themi sa keq mund të përfundojë një individ që dënohet për krime zgjedhore, duke humbur lirinë e lëvizjes në SHBA bashkë me gjithë anëtarët e familjes së tij, e po ashtu edhe të hyrjes në BE. Kush nuk beson le të shkojë të pyes plakun (Berishën)”, tha Rama.
Sipas, zgjedhjet janë tërësisht demokratike, edhe pse opozita PD-LSI ka vendosur t’i braktisë ato.
“Ata që vendosën që të dalin nga binarët e sistemit nuk mund të vendosin për asgjë më shumë përveçse njeri-tjetrit. Zgjedhjet pa opozitën kryesore janë anti-demokratike kur pengohet e jo kur vendos që të mos hyjë vetë”, tha Rama.
Ndër të tjera, Rama bëri dhe apologji te vetvetes, në një temtativë për të reaguar ndaj akuzve që i bëhen nga opozita.
“Në fund kam një mesazh shumë personal për të gjithë qytetarët e këtij vendi: unë nuk jam më i miri as i pagabueshëm, kam të metat dhe veset e mia. Si njeri dhe kryeministër bëj sa mundem dhe jo sa dua.
Sot u them se po të ishte çështje personale do e kisha lënë prej kohësh këtë punë dhe nuk do të mbaja mbi shpinë rrebeshin…po të ishte për përfitime personale ju garantoj që as nuk do ta kisha marrë përsipër. Unë mund të jem pasionat apo arrogant po të doni, por kurrë nuk kam për të qenë materialist apo kriminel si ata që më ngrenë dhe më ulin si të tillë.
Unë mund të bëj gjykime të gabuara, mund të marr edhe vendime të gabuara, por kurrë as kam bërë dhe as kam marrë asnjë vendim për gjëra të gabuara. Kurrë nuk kam për ta fituar dorën në xhepin e asnjë njeriu të gjallë, apo të hedh firmën për të dëmtuar vendin.
Nuk kam si t’i provoj fjalët e mia për veten time, por gjithmonë i kam sfiduar dhe sfidoj ata që honë të kundërtën, që të më sfidojnë me prova dhe jo me fjalë dhe sajesa të ulëta”, deklaroi shefi i qeverisë. /tesheshi.com/
