Kryeministri i Serbisë, Aleksandër Vuçiq, gjatë vizitës në Mitrovicë ka vizituar një pjesë të Trepcës, ku ka thënë se në bisedimet mes Kosovës dhe Serbisë në Bruksel, do të insistojë që autoritetet e Kosovës të mos miratojnë ndonjë ligj përmes së cilit kombinati “Trepça” të shndërrohej në ndërmarrje publike.
“Në bisedimet me Prishtinën në Bruksel do të bëjë të qartë se Beogradi nuk do të lejojë që autoritetet e Kosovës të miratojnë një ligj përmes së cilit kombinati “Trepça” do të shndërrohej në ndërmarrje publike të së ashtuquajturës Republikë e Kosovës. Do të insistojmë në Bruksel… nuk dëshirojmë ta fyejmë askënd, dhe s’dëshirojmë të japim fjalë të mëdha… por Trepçën do ta ruajmë” , ka thënë Vuçiq nga veriu i Kosovës.
Ndryshe, Vuçiqin, po e shoqërojnë ministrat e Serbisë, Aleksandar Vulin, Vanja Udoviciq, Zllatibor Lloncar, dhe Marko Gjuriq, si dhe Branimir Stojanoviq, zëvendës i kryeministrit Isa Mustafa, bashkë me dy ministrat serbë në qeverinë e Kosovës, Lubomir Mariq dhe Dalibor Jetiq. /tesheshi.com/
