Ivica Daçiq Ministri i Jashtëm i Serbisë i ka thënë agjencisë Beta se debati me ambasadoren e Kosovës në Këshillin e Sigurimit në OKB ka qenë i ashpër por parimor.
Sipas Daçiq, Presheva nuk mund të trajtohet me dy standarde.
“Kosova ka folur për minoritete të sajat në Serbi, por një gjë duhet të jetë e qartë: nëse bëhet fjalë për minoritete shqiptare apo kosovare?! Nëse bëhet fjalë për minoritet shqiptar nuk mund të jetë edhe e Tiranës edhe e Prishtinës. Ose je shqiptar ose je serb”.
Por ministri i jashtëm serb ka akuzuar ashpër edhe kreun e Aleancës për Ardhmërinë e Kosovës, Ramush Haradinajn.
“Ne nuk jemi të pranishëm në Kosovë që nga viti 1999, por ata s’mund ta japin leksione. Asnjë nga dëshmitarët e çështjes ‘Haradinaj’ nuk jeton. Kush e ka fajin për këtë?!”, ka thënë Daçiq për agjencinë Beta.
Kreu i diplomacisë së Beogradit më pas ka lëshuar një deklaratë të fortë kur ka folur për 200 mijë serbë që duhet të kthehen në Kosovë, por nuk ka përmendur se kur.
Megjithatë ai ka deklaruar se duhet respektuar pakti mes Beogradit dhe Prishtinës me ndërmjetësimin e Brukselit. /tesheshi.com/
