Ndihmësi më i afërt i Sllobodan Milosheviçit, njëkohësisht numri dy i qeverisë serbe ka bërë një diversion të fuqishëm kundrejt Shteteve të Bashkuara të Amerikës.
Njeriu i Putinit në sferat më të larta të Beogradit, ka deklaruar për gazetën serbe Telegraf se kishte një dokument të firmosur nga ish-negociatori i SHBA-së për Kosovën, Richard Holbrooke, ku Uashingtoni premtonte se nuk do të njihte asnjëherë pavarësinë e Kosovës.
Sipas Daçiçit, dokumenti është hartuar në vitin 1995 dhe i është dhënë Millosheviçit, gjatë ditëve kur u mbajt Konferenca e Daytonit.
Por ministri i Jashtëm Serb nuk e ka bërë publike dokumentin dhe nga ana tjetër të dy personazhet për të cilët ai flet tashmë kanë vdekur.
Duke folur për këtë, Daçiç thotë se “sekretari i Mollosheviçit i është betuar atij se ka ekzistuar ky dokument”.
Por nëse ka ekzistuar, atëherë si çdo dokument zyrtar ai do të ekzistonte në arkivat e ministrisë së Jashtme të Serbisë, që kryesohet pikërisht nga Daçiç.
Por ky i fundit lë të kuptohet se shkresa është zhdukur nga parardhësit e tij në dikaster.
“Ai dokument është zhdukur, ata që ishin përpara meje e kanë asgjësuar. Kur qeveria e Zoran Xhinxhiçit arrestoi Sllobon, kanë djegur edhe dokumentin origjinal të Marrëveshjes së Daytonit për Bosnjën por edhe rezolutën 1244 të OKB-së për Kosovën”.
Ky skenar konspirativ i Daçiçit, duket paksa fantazmagorik, pasi çdo marrëveshje ka pasur më shumë se 2 kopje origjinale dhe ato janë në arkivat, si të Uashingtonit, por edhe të OKB-së, ku anëtar i Këshillit të Sigurimit janë edhe aleatët e ngushtë të Serbisë; Rusia dhe Kina që nuk e kanë njohur Kosovën./tesheshi.com/
