Zgjedhjet në komunën e Medvegjës po shoqërohen me një provokacion jo të vogël.
Në kutitë e votimit ku do të zgjidhen këshilltarët e rinj komunalë dhe krerët e komunës është vendosur flamuri serb, ndërkohë që një pjesë e konsiderueshme e popullsisë është shqiptare.
Sot janë mbajtur zgjedhjet e parakohshme në komunën e Medvegjës, e cila është pjesë e Luginës së Preshevës.
Medvegja është një zonë që gjatë viteve është e zbrazur nga shqiptarët edhe si pasojë e politikave represive të Beogradit, por dhe si pasojë e varfërisë.
Pjesët më të populluara të Luginës janë fshatrat pjellore të komunës së Bujanocit, si dhe qyteti i Preshevës. Në Medvegjë shqiptarët përbëjnë rreth 28 përqind të popullsisë dhe nuk synojnë kryetarin por të marrin një numër të konsiderueshëm këshilltarësh. Megjithatë përçarja mes partive shqiptare nuk e favorizon maksimizimin e votës.
Siç bën të ditur “Presheva Jonë”, në zgjedhjet e sotme për 35 këshilltarë garojnë 5 lista: dy shqiptare dhe tre serbe.
Numrin 1 e mban lista zgjedhore e Aleksandër Vuçiçit- Partia Progresiste Serbe, Partia Socialiste e Serbisë, Partia e Pensionistëve të Bashkuar të Serbisë (SNS, SPS dhe PUPS), me aps vjen lista numer 2 e kryetarit të Bujnaocit Nagip Arifit -Partisë Demokratike.
Numrin tre e mban Grupi i Qytetarëve “Për Jablanica e Epërme”- Medvegjës. Më pas vjen lista numër 4 e dy partive shqiptare etnike: Partia për Veprim Demokratik (PVD) dhe Unioni Demokratik i Shqiptarëve (UDSH. Listën numër 5 e mban Partia Demokratike Serbe e Nebojsa Trajkoviçit. /tesheshi.com/
