Xhandarmëria serbe vazhdon të provokojë me shkeljen e vijës kufitare me Kosovën, siç raportohet, në fashatin Sllubicë, pranë Gjilanit, pjesëtarë të saj janë parë duke iu avitur xhamisë së fshatit.
Ka qenë vetë imami i xhamisë Jusuf Mustafa ai që dhënë alarmin te autoritetet për shkeljen, të cilat janë aktivizuat më pas, por pa asnjë incident mes dy palëve.
Sipas imamit Mustafa, cituar nga disa media, bëhej fjalë për pesë persona të armatosur, efektivë të xhandarmërisë serbe.
”Unë i pash me sytë e mi dhe u habita, por edhe isha i befasuar sepse ka ndodhur që ata të hynë deri afër xhamisë dhe të kthehen, por kësaj radhe ata ishin duke patrulluar krejtësisht në brendi të Kosovës”, tha imami.
Sipas tij, policia kufitare ose KFOR-i duhet të jenë të pranishme në këtë pjesë dhe të ofrojnë siguri për banorët e mbetur. ”Edhe ashtu ka pak banorë që kanë vendosur të jetojnë, dhe të jetosh në këtë pasiguri është vërtet problem”, theksoi imami. /tesheshi.com/
