Një tjetër provokacije u ka prishur terezinë serbëve, që ka lidhje me shqiptarët por jo shkaktarë ata. Tifozë irlandezë, ata që po përgatiten për përballjen e përfaqsueses së tyre me Serbinë, janë parë rrugëve të Dublinit edhe me flamuj shqiptarë.
Lajmi bëhet i ditur nga portali serb Telegraf, që shkruan se “tifozët irlandezë janë gjithashtu të vetëdijshëm për rëndësinë e këtij takimi, prandaj një lumë simpatizuesish kanë daë në rrugët e Dublinit për orë të tëra para ndeshjes, dhe gazetari ynë nga vendi i ngjarjes ka shënuar një moment interesant në rrugën drejt stadiumit: tifozët irlandezë me flamurin e Shqipërisë në duar. Pa dyshim se ky djalë (me flamur) e ka të njohur historinë e serbëve dhe shqiptarëve.
Shpresojmë që ky provokim i vogël nuk do të shqetësojë lojtarët tanë, të cilët janë të përqendruar në mënyrë të përkryer në atë që po i pret, sepse e dinë se çfarë fitojnë nëse marrin një barazim ose realizojnë fitore kundër irlandezëve”.
Siç vërehet nga ajo çfarë shkruan Telegrafi serb, nuk është marrë fare në konsideratë fakti se i riu mundet të jetë dhe një emigrant shqiptar që jeton në Irlandë, e që po shfrytëzon rastin për t’u hakmarrë nacionalisht ndaj serbëve nw rolin e një irlandezi.
Serbët ndeshen me Irlandën në kuadër të eliminatoreve të Botërorit, dhe e konsiderojnë këtë përballje si rastin e madh për të shkuar në “Rusia 2018”. Po ashtu edhe Irlanda. /tesheshi.com/
