Presidenti serb dhe njëherësh komandant suprem i Ushtrisë së Serbisë, Aleksëndar Vuçiç herët këtë mëngjes urdhëroi heqjen e gadishmërisë së lartë, masë e ndërmarrë prej të shtunën e kaluar, ditë kur homologu i tij kosovar Thaçi vizitoi liqenin e Ujmanit në Veri, shoqëruar nga Njësitë Speciale kosovare – ROSU.
“Presidenti i Serbisë dhe komandant suprem i Ushtrisë së Serbisë, Aleksandër Vuçiç, në përputhje me kompetencat e saj të përcaktuara me Ligjin për Mbrojtjes, dorëzoi te Ministri i Mbrojtjes, Aleksandër Vulin dhe shefi i Shtabit të Përgjithshëm të Ushtrisë së Serbisë, gjeneral-nënkoloneli Milan Mojsiloviç, urdhër për mosangazhim në reagim të menjëhershëm dhe të shpejtë”, tha Ministria e Mbrojtjes.
Më tej, deklarata përmban dhe një mesazh që duket se shkon për serbët e Veriut.
“Ushtria e Serbisë, në bashkëpunim me strukturat e tjera të sigurisë, në komandën e Komandantit Suprem, vazhdon të monitorojë situatën e sigurisë dhe është e gatshme për të në çdo kohë, që mbrojë vendin tuaj dhe të gjithë qytetarëve tanë, pavarësisht se ku ata jetojnë”, shton deklarata e Ministrisë së Mbrojtjes të Serbisë. /tesheshi.com/
