Ushtria ruse ka “vizituar” me anë të dy avionëve stërvitjen më të madhe ushtarake të NATO-s që nga fundi i Luftës së Ftohtë, e cila po zhvillohet në Norvegji.
Sipas mediave britanike, rusët kanë rrezikuar një incident i cili mund të shkaktonte dhe një luftë me 29 anëtarër e Aleancës të përfshirë në manovra.
Ato informojnë se ushtarët në anijen amerikane “Mount Whitney” u mblodhën në kuvertë për të fotografuar dy avionë Tupolev Tu-142 që fluturuan sipër kokave të tyre në afërsi të bregdetit norvegjez.
“Ata na shikuan dhe dhe ne i shikuam”, tha koloneli Gart Manger i Marinës Mbretërore Britanike, përgjegjëse për detyrat operative në Marinën e SHBA.
Megjithatë, admirali britanik Guy Robinson qetësoi situatën.
“Ne jemi në det, secili ka të drejtën të jetë këtu. Këto janë ujërat ndërkombëtare, një hapësirë ajrore ndërkombëtare”, tha Robinson.
Rusët konfirmuan se dy aeroplanë Tu-142 kryen një fluturim paraprakisht të planifikuar në ujërat neutrale të Detit Norvegjez.
Pentagoni pretendon se një nga avionët rusë fluturoi vetëm 500 metra nga luftanija amerikane.
Mediat britanike kujtojnë se javën e kaluar, Moska njoftoi se do të testonte raketa në rajon gjatë stërvitjes së NATO-s, të quajtura si ushtrime “anti-luftë”. /tesheshi.com/
