Nuk dihet saktësisht se kur u organizua llotoja e parë në Shqipëri pas rënies së komunizmit, por befasohesh kur konstaton se fillimet e saj kanë përfshirë dhe spektaklin “Miss Albania”, një risi që asokohe jua hoqi trurin shqiptarëve të lodhur nga komunizmi.
Ka qenë viti 1991 kur një organizëm i atëhershëm nën ankronimin FRSH (Forumi Rinor Shqiptar), ftonte shqiptarët që të provonin fatin për të luajtur lloto, nëpërmjet përzgjedhjeve që do bënin për vajzat që nuk i shihnin, por që do u ofroheshin nëpërmjet një skedine me disa karakteristika të tyre, si ngjyra e syve apo e flokëve, dhe pa dyshim numri rendor.
Ja ç’shkruhet në njoftimin e FRSH-së, bashkangjitur publikimit të skedina:
…..harxhoni vetëm 3 lekë dhe mund të fitoni 1000 ose 10.000 herë më tepër!
Shpejtoni, është një okazion.
Më tej jepen shpjegimet teknike se si duhet votuar.
Dhe sot pas 25 vjetësh, “Miss”-i pothuajse është venitur tërësisht si aktivitet, ndërsa skedina jo.
Ajo vijon të moleps masa njerëzish pa dallime partiake, krahinore, moshe apo profesioni, të cilët luajnë me rezultate ndeshjesh, nganjëherë dhe pa qenë tifozë fare. E.H -/tesheshi.com/
